Latest Entries »

netwars

السلام عليكم ورحمة الله وبركاته

انا عارف طبعا ان بقالى كتير اوى ما كتبتش بس ما علينا مع ان حصل حاجات كتير تستحق الكتابه بس انا قررت اتكلم عن حاجه من اللى حصلتلى قريب

الناس اللى تعرفنى لاحظت اختفائى فى الاسبوع التانى من الاجازه طيب انا كنت فين انا كنت هنا

http://netwars.info/

http://www.sans.org/netwars/

بعد ما تقروا الرابطين كده وتستوضحوا الكلام اوضح انا بقى شويه حاجات

المسابقه دى بتتم ازاى

المتسابقين بيتحطوا فى شبكه والمطلوب منهم الاتى انهم يخترقوا الاجهزه ومش كده بس لا لازم يكتبوا اسمهم فى ملف معين ويمنعوا اى حد يدخل عندهم

طبعا عشان المسابقه تبقى عادله الاجهزه بيتعملها اعاده تشغيل فى زمن عشوائى انك بقى تحافظ عليه بعد ما يتعاد تشغيله هى دى المشكله

فى المسابقه دى الحقيقه قدرت احصل على درجاتى عن طريق اربع اجهزه منهم جهاز قدرت احصل منه على درجات باربع طرق

لان فى حاجه اسمها scorebot

وده مسئول انه يعمل اتصال بكل الاجهزه كل 5 او 10 دقايق عشان يعرف مين اللى جوا انا اتعلمت الحمد لله ازاى اخليه يقرانى من 4 اماكن مختلفه وده لانه بيقرا بكذا طريقه تخيلوا انى كتبت اسمى على 4ports

والجهاز التانى كان مشكله فى web application “fishcart”

والحقيقه انه انا ما دخلتش جوا الجهاز ولكن كتبت اسمى فى المكان المخصص عن طريق غلطه فى ال application

الجهاز التالت دخلته مره واحده وده لان كان فى واحد حاميه اول ما عرفته

الجهاز الرابع وده الحقيقه انا ما اعرفش ازاى خدت نقطه منه

مجموع النقط بتاعتى خلانى العاشر فى المسابقه

والحقيقه انى كنت داخل انام بدرى قبل نهايه المسابقه ب 6 ساعات لاختلاف التوقيت ف طبعا فى ناس سبقتنى

الحقيقه انى اتعملت حاجات كويسه جدا فى المسابقه دى اتعرفت على ناس متخصصين فى مجالهم وكل مره اكيد هعرف حاجه جديده بالاخص ان الهدف منها

ان الواحد يشتغل عملى بدل ما هو عارف كلام نظرى قراه من الورق مش اكتر وربنا يكرم

على الهامش انا غيرت الثيم يا رب يعجبكوا:D

سلام

المسئولين فى مصر

المناصب فى مصر

عندنا فى مصر الكراسى بتاعه المسئولين فيها غرا بجد فيها غرا او اى نوع تانى من المواد اللاصقه القويه واحيانا بيبقى فى شفط هوا كمان ونسبه الالتصاق بتكبر بكبر المنصب يعنى من الكرسى الكبير لحد الكرسى الصغير يتناسب حجم الكرسى طرديا مع كميه الغرا ولو سالت اى حد من الساده المسئولين حضرتك ما بتقمش من الكرسى ليه عمره ما هيقلك عشان الغرا ماسك شويه انما هيقولك الجمله المعتاده “انا عندى رساله لما اوصلها هبقى امشى” الفكره بقى ان الجمله دى كلهم بيقولوها -تقريبا فى مدرسه للمسئولين فى الصحرا احنا ما نعرفش عنها حاجه بيروحوا هناك يتعلموا الكلام ده- والمشكله الكبيره ان الرساله دى تقريبا مشفره لاننا لحد دلوفتى ما فهمناش اى رساله منهم والمشكله الاكبر ان الرسايل دى من الواضح انها كبيره جدا لدرجه ان المسئول بيموت او الغرا بتاعه بيخلص قبل ما يخلصها فنداء لكل الناس فى مصر اى حد يفهم اى رساله يفهمنا معاه ونداء لكل المسئولين يا تقصروا الرسايل يا تفكوا الشفره يا تشيلوا الغرا ونداء الى اى حد ناوى يبقى مسئول لما يدوك الرساله فى المدرسه قولهم الناس مش عايزاها وبلاش تدونا اى رسايل .

ملحوظه:هناك قله قليله استلموا كراسيهم من غير غرا وطبعا ما فضلوش على الكراسى كتير

ملحوظه كمان: الكراسى دى فى الغالب قويه وكبيره عشان تستحمل الاوزان وبرضه درجه قوه الكرسى وحجمه يتناسب تناسب طردى مع حجم المنصب

وجع دماغ

مصر دوله من دول العالم التالت ….فى التأنى السلامه برضه

هنعمل اضراب ………”لرسنا فى الحيط”

العلاوه خمسه فى الميه…… وحتى لو بقت خمسين فى الميه هى نسبه ثابته …….سالب عشره فى الميه الناس ماشيه تكلم نفسها ….العباقره كلهم كانوا بيكلموا نفسهم

التعداد كبير…ما الصين تعدادها كبير….يا عم دول صينيييييين

الاسعار نزلت فى الدول التانيه بعد الازمه….واحنا عندنا حاجه بتنزل برضه

العبقرى فى مصر …..بلاش كدب بقى

العبقرى المصرى….اه كده ممكن …بس اكيد بره مصر

التعليم فى مصر سئ جدا….ليه يا عم ما احنا متعلم علينا اول بأول

ما عدش فى اخلاق ….ولا زيت ولا سكر ولا شاى حتى

يا اخى ده شعب يقرف….ما هو اصل انا مصرى بس مش من الشعب

سواقين التاكسى بقوا لعنه …تاكسى ايه ياعم دى عربيات ملاكى وهما من كرم اخلاقهم بيوصلونا

بيقولو السياحه وقناه السويس بتجيب فلوس كتير…اومال الفلوس دى فين…ما بلاش سوء ظن..الحكومه بتحوشهلنا فى سويسرا “الفوايد هناك اكبر”

كان فى واحد بيكتب الموضوع ده راح فين………..؟؟

قولت هزعق بـعلـو الـصوت

قالوا بس كــده هتـمــوت

قـولـت احسنلى اموت مرتاح

ولا انـى امــوت مكبــــوت

اه يا شعبى

اه منك يا شعبى ياللى ساكت على البلاوى
ياللى تحب تنسى وتحب قعده القهـــــاوى
ياشعـب بينجرح وما فكـرش فـى مــداوى
ياللى مصيبتك تتغنى وتتقال فى حكــاوى
لا عايز تفـوق ولا شكـــلك كــده نـــــاوى
يا شعب لو مسك فيه واحد مكان عــلاوى
يدوس على اللى حواليه كأنه للاذى هاوى
ياللى حياتك سوده وبرضه شايفها سماوى
يا شعب مستسلم ساكت وللخضوع غـاوى
ياللى بتاكل اكل جاب لك كــــل البــــلاوى
وهما بياكلو فــــراخ وحمــام ومشـــاوى
ضاعت قيمتك فى الشعوب وبالارض متساوى
هتردها ازاى وانت ساكت على الذل الكاوى
هتبكى على ايه ما بـلاش يخوفـك عشمـاوى
لا هى عايز سحر ولا معجزه ولا حتى حاوى
دور جواك على اصلك دور على المصرواى
هبيعوك ايه بعد جسمـــك بــعد الكـــلاوى
كفايه تعبت لا نافع كلام ولا نافع غناوى

تأليف: احمد عابد

حاسس بفشل

السلام عليكم

مش عارف ليه حاسس بجد انى الترم ده مضيع جدا جدا عن بقيه التيرمات اللى فاتت ومش مصدق ان ده مستوايا فى المذاكره ولا الامتحانات ومضايق جدا من نفسى مش فاهم فى ايه مع انه هو هو نظام المذاكره ومع ذلك مش عارف اظبط زى الاول وعمال ابوظ الدنيا مش فاهم فى ايه

وبجد انا مخنوووووووووووووووووق خانقه جامده جدا ربنا يستر بقى

سلام

انا اسف

السلام عليكم ورحمة الله وبركاته

امبارح اللى هو يوم الاربع كنت واقف بكلم الدفعه

كلها فى موضوع تعديل الجدول والدخول من الباب اللى ورا

الحقيقه انى جيت فى لحظه كده وانفعلت وقولت

جمله ما كنش من اللائق انى اقولها على الاقل فى

حضور البنات

بس هو يمكن عشان التعبير اللى قولته كان معلق فى

دماغى او يمكن عشان انا انفعلت ونسيت نفسى

ف انا حاسس انى غلطان ..غلط مش بسيط وبعترف

بده وانا اسف

بجد جدا لاى حد الكلمه ضايقته او حس باحراج منها

واغفرولى لحظه سهو منى وانفعال لانى بجد مضايق

جدا من نفسى

سلام

السلام عليكم

بقالى كتير ما كتبتش انا عارف بس ما علينا

المهم بقى انى بقالى اسبوع ماشى على نظام غذائى من الاتنين اللى فات للاتنين ده

والنظام كالتالى للى يحب يعرف يعنى

الفطار: حاجه من الاربع حاجات دول”بيضه.5 معالق فول.قطعه لانشون.قطعه جبنه قريش” مع نص رغيف عيش

الغدا:ربع فرخه او سمك او قطعه لحمه مع 4 معالق رز او ربع رغيف و2 كبايه ميه فى الاول والنص والاخر

العشا:زى الفطار بالظبط بس من غير عيش

ممنوع: المكرونه.الباميه.ملوخيه.قلقاس.عصاير.حاجه ساقعه .بسكويت وما الى ذلك

فى اليوم ليا 2 معلقه سكر احطهم زى ما انا عايز واتنين diet sweet

السلطه مع كل وجبه وبعد كل وجبه ثمره فاكهه من دول برتقال تفاح كمثرى نص كانتالوبايه

لو جعت فى اى وقت اكل خيار وليا جزرايه فى اليوم كله

المواعيد:فطار 10 غدا 5 لانى فى الكليه وبجى متأخر بس لازم اكل حاجه الساعه 3 ممكن زبادى عصير حاجه من اللى فوق دول من غير سكر او شاى

العشا الساعه 10

انا بقى رحت للدكتور امبارح وقالى انى نزلت تلاته كيلو  وانى هبوظ يوم الاتنين

والتلات اللى هو النهارده وارجع من اول الاربعاء تانى وكل ما ابوظ اكتر كل ما

اخس اكتر بس تعرفوا المعده اخدت على الاكل الاقل ومش عارف اكل كتير زى

الاول فعلا والموضوع فعال ولطيف بس اعترف انه فى اوله كان صعب بصراحه

وعلى فكره النظام الغذائى كمان ممكن يعلم الواحد النظام عشان مواعيد الاكل

وكده يعنى

المهم اسيبكوا انا بقى النهارده اجازه ولازم ابوظ هروح اكل التلاجه على رأى

عمرو مجدى صاحبى

سلام


Happybirth Day To Me

السلام عليكم ورحمة الله وبركاته

المفروض انى كنت اكتب الموضوع ده امبارح اللى هو 22/1 بس امتحانات وكده بقى

المهم امبارح كان عيد ميلادى ال 19 ايوه ال 19 فى ناس كتير هتستغرب ان انا عندى 19 سنه بس …بس هى دى الحقيقه لانى داخل المدرسه صغير

المهم السنه اللى فاتت من عمرى دى عايز اقول انها كانت سنه مهمه هو طبعا كل سنه مهمه من وجهة نظر مختلفه السنه اللى فاتت دى كانت مهمه لان

فى حاجات كتير اتغيرت فى اسلوب تفكيرى الى حد كبير علاقتى باصحابى بقت اقوى من الاول بقيت ببص للحياه من منظور الى حدا ما مختلف حاسس شويه ان فى تغيير فى

حياتى

فى حاجات طبعا فى نفسى مضايقانى يا رب تتغير

السنه دى حصلى حاجات كتير حلوه واستمعت بيها جامد بجد منها مثلا وجودى فى المدينه

الرحله اللى طلعناها دريم بارك

المعسكر اللى بجد كان تحفه

عايز اقول للناس لو كنت زعلت حد فى يوم من الايام يسامحنى

واللى شايف ان انا محقوق له بجد يتفضل ياخد حقه منى

السنه دى إن شاء الله هحاول احقق اللى ما عرفتش احققه السنه اللى فاتت ويارب

يقدرنى

يا رب السنه دى احسن واللى جايه احسن واحسن

يا رب خليلى اصحابى ونفضل على طوول مع بعض “اصحاب فوق العاده”

يا رب خليلى والدتى واخواتى وخالتى واهلى كلهم وما تحرمناش من بعض

يا رب

النهارده عايز اتكلم عن اصحابى حاجه من اهم الحاجات اللى فى حياتى وخط من الخطوط الحمره اللى مش بسمح لحد يقرب منها

انا هتكلم من غير ترتيب عشان ما حدش بقول حاجه ها

خلونى ابدأ بعبد الله

اولا زميل كفاح من تالته ثانوى

عارفين المثل بتاع القط بيحب خناقه انا وعبد الله كده القط والخناق والعكس صحيح

انا وعبد الله لينا ساعات كتير ردود فعل مشابهه وكلام بيطلع مننا زى بعض فى نفس الموقف

عبد الله كمان تقدروا تقولوا اسرار اصحابنا معاه لدرجه انى ساعات بشفق عليه صاحب شخصيه قويه

ما بيزعلش من حد بس زعله جامد بس تعرف تصالحه بسرعه لما قفشاته ملهاش حلنسيبه حبه بقى عشان الباقى

اسلام محمود

تحسه جدع راجل معاك فى اى موقف برضه انا وهو بنتقاسم دماغ قريبه وبنلقط بسرعه من بعض دماغه نضيفه

شويه مش بيحب يشارك الناس فى الامور اللى هى فى الملفات السريه اوى

تحبه كده من اول ما تتصاحب عليه وقعدته حلوه دايما

نيجى بقى لاسلام ضياء

انا فى حياتى ما شفت حد بيقدس الصحوبيه بالشكل ده بجد بجد صاحب صاحبه اوى

اكتر واحد بيحب يحافظ على الصحوبيه ويحب دايما يسمعلنا طيب لابعد الحدود بقى عصبى حبتين اقل حاجه تضحكه

ميتو

ميتو ده بقى عارفين لما يبقى العيله فيها بتاع 6 شباب ومعاهم اخوهم الصغير اللى دايما له دماغ تانيه وعامل دوشه ساعات يعمل حاجات ممكن تهبلهم بس فى نفس الوقت ممكن يعمل حاجه تانيه تعجبك منه اوى ودايما تحس انك مسئول عنه لانه اخوك الصغير وتحبه جدا مهما عمل فيك ممكن تقفش بس برضه بتحبه

دمه خفيف وجدع وبيحب الناس وطيب اوى وحساس جدا

ابو الاسرار

دماااااااااااااااغ لابعد الحدود هادى عاقل راسى برضه مش بيحب يفتح ملفات سريه كتير كل حاجه عنده بتتعمل فى صمت

زميل كفاح من اولى ثانوى محايد دايما فى ارائه القفشه اللى بتطلع منه قفشه من القلب بتهلكنا من الضحك كلنا

عبد الحميد

حبيب قلبى العنيد العصبى اللى اقل كلمه ممكن تصالحه وتهديه والامور تبقى تمام

اقل كلمه ممكن تضحكه وتنسيه الدنيا تحس فيه كده ان شخصيته قويه وما يعجوش الحال المايل

محمد السيد

ده بقى ملك التصرفات المجنونه الطقه فاكهه القعده بتاعتنا فجأه تلاقيه طلع كده بحاجه تموتنا من الضحك

انسان عملى جدا جدا بيحب الشغل بأيده لينكساوى حتى النخاع زى حلاتى كده ما يتشبعش من القعده معاه

ما بيحبش يضيع وقت وجدع

ضياء

ده بقى له عالم خاص عايش فيه لوحده دماااااااااااغ والله بيحب الحركه الكتير بيحب الضحك والحياه عنده ماشيه وكله تمام

احمد سلطان

ترتاح لوشه اه والله لما تشوفه ترتاحله لما يضحك انت تضحك على ضحكه

ما بيعرفش بتعصب على حد ولا يزعل من حد طيب تصاحبه بسرعه اوى وترتاحله بسرعه برضه

محمود جمال

راجل صاحب فكر ودماغ بجد والله بس لما بيتعصب نصيحه اخويه بلاش تقف اودامه

احمد مسعود

معرفتى بيه مش طويله بس شخصيه تحبها والله وتفتقده كده تحب قعدته برضه خد منه احلى كلام لما يهيس على حاجه

صحاب سلسله ايام الامتحانات على البلوج بتاعته

الاسكندرانى

راجل رياضى كده وجدع ويتحب كده هادى وعاقل حتى لو طق بيبقى فى حدود المعقول ودمه خفيف

وليد

هادى خاااااالص وبرضه زى ما تقولوا قفشته من قلبه وليد تقريبا زى ابو الاسرار كده برضه بيحب يعمل حاجته فى صمت

بيسأل على الناس ضحكته صافيه ترتاحله كده

البنا

صاحب ابتسامه جاااااااامده جدا …..جدع لما تعوزه ……ربنا ما يوريك لما دماغه بتقفل

حسن ابراهيم

ده بقى كبير الليله تحب تسمعله وهو بيتكلم عملى جدا ما بيضيعش وقت

عاقل بيحب يحسب الامور حلو دايما تروحله لما يبقى فى مشكله كبيره ومكلكعه

ناجح وبيوصل للى عايزه

عبد الرحمن

ده بقى انتيمى اللى فى تجاره

واد لذيذ بيفهمنى وافهمه هو عندى فى البيت زيه زىى وكذلك انا عنده فى بيتهم كده

مدمن اى حاجه جديده بيعشق التغيير بيجرب الجديد مش مهم النتايج او الحسابات هو بيحب يجرب

جنبك وقت ما تحتاجه

رامى

ده بقى اطول صاحب اعرفه فى حياتى كلها وانتيمى برضه اعرفه من تالته ابتدائى وصاحبته فى خامسه احسبوا انتوا بقى وهو دلوقتى فى حاسبات السلاب

وقت الزنقه جانيك ما بينساش اصحابه ابدا تحس فيه بالبراءه كده لما يضحك تعرف تأثر عليه طيب اوى

بيعرف يعمل صحبيات جديده بيموت فى الخروج ما بيحبش قعده البيت

دول كانوا اصحابى فى حاجات فيهم كلهم

انهم رجاله و جدعان بيحبوا بعض وبيحبوا الناس مايتشبعش من قعدتنا ولا لمتنا مع بعض دمهم خفيفن طيبين ورتحالهم من اول ما تعرفهم ولو لاحظتوا تقريبا اللى قلته فى كل واحد قلته فى اللى بعد زايد حاجه او ناقص حاجه

زى ما بيقولوا الطيور على اشكالها تقع:))

دول كانوا اصحابى انا ما وصفتش كل حاجه فيهم طبعا عشان الكتابه الكتير

وزى ما انتوا شايفين عشان كده هما اصحاب فوق العاده وكلنا بنحب بعض

ولو حد شافنى قصرت فى حقه يسامحنى ولو قولت حاجه مش فيه يسامحنى وانا ما عدتش نفسى فيهم سايبهم هما اللى يقولوا

سلام

a7san programmer

x: te3raf men a7san programmer fe masr

y: meeeen?!!!

x: bey2olak doctor nazeef

y: ya rageeeeeeeel doctor nazef elly hwa ra2es elwozara

x: aywa ya 3am hwa be 3enoh

y: we ma t3rafsh beyshta3*l anho programming a7san??

x; ah ya 3am seme3t enoh 10/10 fil machine language

y: 3la keda el 7ekoma beta3tna metbarmaga 7elw

x: ya 3am ba2olk machine language

x: y3ny mnoh lel registers we el memory 3la 6ooooooool

y: tesada2 wade7 fe3lan

y: ba2olak eh ma tegy net3alem machine language badal el hight level beta3tna de

x: edy 3la ketfak hwa belsahel keda de language bet3t wozra bas

y: a2olak sebak mn el programming 5alena fil system adminstrarion

x: hooooooooooos e5ras enta 3ayzna nero7 fe dahya de mosh bet3tna 5aaales

hatwadena fe 7aded

y: a2olk ana hamshy a7san ….salam

x; salam